“Ялалтын дуу, яруу найраг” уралдааны Ялагч нар тодорлоо

“Ялалтын дуу, яруу найраг” уралдааны Ялагч нар тодорлоо

Уралдааны ялагчдыг тодруулахад маш хэцүү байлаа. Оролцогчдын бичлэгийг үзэхдээ Aist Global телевизийн ажилтнууд, “Ялалтын дуу, яруу найраг” уралдааны шүүгчдийн бүрэлдэхүүн хэдэн өдрийг нулимстай өнгөрүүлж, нулимсаа тэвчихийн аргагүй уярам байлаа. Дөрөвдүгээр сарын 15-наас тавдугаар сарын 9-нийг хүртэл бид 200 гаруй бичлэг хүлээн авсан. Тэдгээрээс 175 бичлэг уралдааны шаардлагад нийцэж, бид хүлээн авлаа. Бүх оролцогчдодоо баярлалаа.

Та бүхний дундаас шилдэгүүдийг шалгаруулах маш хэцүү байлаа. Мэргэжлийн шүүгч нар та бүхний бүтээлд үнэлгээ өгч, ийнхүү бид өнөөдөр шилдэг 10 оролцогчоо эзэлсэн байрын дэс дараалалгүйгээр зарлаж байна. Шилдэг оролцогчид Гала концертод оролцохдоо эзэлсэн байраа мэдэж, шагналаа гардаж авах болно.

Дуу болон Шүлгийн төрөлд тус бүр ялагч болсон оролцогч 3 000 000 төгрөг, хоёрдугаар байр эзэлсэн оролцогч 1 500 000 төгрөг, гуравдугаар байр эзэлсэн оролцогч 1 000 000 төгрөгийн шагнал гардан авах бол шүүгч нар Дуу, Шүлэг төрөлд тус бүр хоёр, нийт дөрвөн тусгай шагналтныг тодруулж, тус бүр 750 000 төгрөгөөр шагнана

Ялалтын дуу төрөлд Шилдэг тавд:
• Б.Заяат
• С.Гүнжлхам
• “Үүрийн туяа” хамтлаг
• Х.Цолбон
• Д.Дарьсүрэн

Ялалтын Яруу найраг төрөлд Шилдэг тавд:
• А.Нандин
• Ж.Минсэл-Орлом
• Б.Маргад-Эрдэнэ
• А.Сэргэлэн
• Б.Бэлгүтэй нар шалгарлаа

Тавдугаар сарын 19-ний Даваа гарагийн 10:00 цагт Aist Global телевизийн байранд “Ялагчдын концерт”-ын зураг авалт болно. Дээрх 10 оролцогч уралдааны дүн, эзэлсэн байраа концертын зураг авалт дээр мэдэж, шагналаа гардан авах болно. Бүх оролцогч нартаа баярлалаа. Шилдэг оролцогч нарынхаа концертод амжилт хүсье!