ЗЭВСЭГТ ХҮЧНИЙ АНХНЫ АВТО КЛУБ ҮҮСГЭН БАЙГУУЛАГДЛАА

ЗЭВСЭГТ ХҮЧНИЙ АНХНЫ АВТО КЛУБ ҮҮСГЭН БАЙГУУЛАГДЛАА

Зэвсэгт хүчний 089 дүгээр анги бие бүрэлдэхүүний авто техникийн мэдлэг, дадлага чадварыг дээшлүүлэх, байгалийн үзэсгэлэнт болон түүх, соёлын дурсгалт газруудаар аялж танин мэдэх, эх оронч үзэл, хамт олонч уур амьсгалыг төлөвшүүлэх, залуу хойч үед зөв жолоодлого, авто соёлыг өвлүүлэн сургах зорилгоор “89-ХЯЗГААРГҮЙ” авто клубыг үүсгэн байгууллаа.

Тус авто клубийг Монголын бартаат замын авто спортын холбооны мэргэжлийн ангиллын тамирчин, жолооны дадлагын багш, бэлтгэл сургагч ахлагч Х.Ширмэнхоовонгийн санаачилгаар байгуулсан бөгөөд бартаат замын аялал, экстрим чиглэлийн авто арга хэмжээг зохион байгуулах, авто спорт, жолоодлогын ур чадварыг хөгжүүлэхэд чиглэсэн үйл ажиллагааг хэрэгжүүлэх юм.

Клубийн анхны үйл ажиллагаа 2026 оны 01 дүгээр сарын 24-ний өдөр 6 нэгж техник, 25 хүний бүрэлдэхүүнтэйгээр Улаанбаатар–Налайх–Тэрэлж–Гүнжийн сүм чиглэлд нийт 200 км авто аяллыг зохион байгуулж, аяллаа амжилттай зохион байгууллаа. 

“89-ХЯЗГААРГҮЙ” авто клуб нь Зэвсэгт хүчинд анх удаа байгуулагдсан авто клуб гэдгээрээ онцлог бөгөөд цаашид бие бүрэлдэхүүний чөлөөт цагийг зөв боловсон өнгөрүүлэх, авто соёл, аюулгүй жолоодлогыг түгээн дэлгэрүүлэх, мэргэжлийн ур чадварыг нэмэгдүүлэхэд бодитой хувь нэмэр оруулах зорилготойгоор үйл ажиллагаагаа өргөжүүлэх юм.