Японы Эзэн Хаан Нарүхито, Хатан Масако нар Монгол Улсад төрийн айлчлал хийж байна
Япон Улсын Цог Жавхлант Эзэн Хаан Нарүхито, Эрхэм дээд Хатан Масако нар Монгол Улсын Ерөнхийлөгч У.Хүрэлсүхийн урилгаар 2025 оны 7-р сарын 6–13-ны өдрүүдэд төрийн айлчлал хийхээр хүрэлцэн ирлээ.
Тэднийг “Чингис хаан” олон улсын нисэх буудалд ГХ-ны сайд Б.Батцэцэг, Элчин сайд нарын төлөөлөгчид хүндэтгэлтэйгээр угтав.
- Энэхүү айлчлал нь Эзэн Хаан Нарүхито, Хатан Масако нарын Монгол Улсад хийж буй анхны төрийн айлчлал юм.
- Айлчлалын хүрээнд тэд Үндэсний их баяр наадмын нээлтэд хүндэт зочны хувиар оролцоно.
- Мөн хоёр улсын төрийн тэргүүн нар уулзалт хийж, ард түмнүүдийн найрамдал, хамтын ажиллагааг бэхжүүлэх талаар ярилцана.
Тус айлчлал нь Монгол, Японы “Энх тайван, хөгжил цэцэглэлтийн төлөөх Тусгай стратегийн түншлэл”-ийг бататгаж, ардчиллын үнэт зүйлсэд суурилсан “хүн төвтэй” харилцааг шинэ түвшинд хүргэх түүхэн ач холбогдолтой юм.
Photo gallery
1/6
—
