Якут үндэстний адууны хялгасан нэхмэл урлалын үзэсгэлэн дэлгэгдлээ
Монголын Үндэсний музейд Саха Якут улсын үндэсний гар урчуудын “МОРЬ ШҮТЛЭГ - КҮН ДЬӨҺӨГӨЙ ОҔОТО” тусгай үзэсгэлэнг энэ сарын 06-12-ныг хүртэл олон нийтэд нээлттэй зохион байгуулж байна
Адууны дэл, сүүл хялгасаар нэхэх урлаг бол Саха ард түмний өнгөрсөн болон өнөө үеийг холбосон үнэт өв юм. Якутын өргөн уудам нутагт дэлгэрсэн энэхүү ур чадвар нь саха түмний олон зууны мэргэн ухаан, ариун нандин уламжлал нь амьдралын итгэлт хань адуугаа хязгааргүй их хүндэтгэдгийн жишээ юм. Саха гар урчууд үеийн үед гоёмсог үнэт эдлэл, гэр ахуйн эд зүйлс, зан үйлийн эдлэлүүд, морины хөллөгөө зэргийг уян хатан атлаа бат бөх адууны дэл, сүүлний хялгасаар урлаж, өдөр тутмын эд зүйлсийг урлагийн бүтээл болгон хувиргасаар иржээ. Орчин цагт ёс уламжлалаа нандигнан хадгалагч хүмүүс, урчуудын ачаар энэ эртний чадвар алга болоогүй, харин ч хоёр дахь амьдралтайгаа золгосон юм
Photo gallery
1/5
—
