УЛСЫН НӨӨЦӨӨС ТУУЛАХ ЧАДВАРТАЙ САЙТАЙ АВТОМАШИН, ТЕХНИК, ХЭРЭГСЛИЙГ ХҮЛЭЭЛГЭН ӨГЛӨӨ

УЛСЫН НӨӨЦӨӨС ТУУЛАХ ЧАДВАРТАЙ САЙТАЙ АВТОМАШИН, ТЕХНИК, ХЭРЭГСЛИЙГ ХҮЛЭЭЛГЭН ӨГЛӨӨ

Монгол Улсын Засгийн газар, Улсын онцгой комиссоос зудын эрсдэлийг бууруулах, хохирол багатай даван туулах арга хэмжээг эртнээс төлөвлөн, хэрэгжилтийг ханган ажиллаж байна. Энэ хүрээнд Засгийн газрын 2025 оны 230 дугаар тогтоолоор шийдвэрлэсэн аймаг, сумдын Эрүүл мэндийн төв, ЗДТГ, Онцгой байдлын байгууллагын салбар, нэгжүүдэд улсын нөөцөөс туулах чадвартай сайтай 20 автомашин, зарим аймаг, сумдад цас ихээр орж зам даваа хаагдах үед ашиглах автогрейдер 2, ковш 5 ширхэгийг тус тус хүлээлгэн өглөө.

Мөн аймаг, сумдад 796 тонн өвс, 8154 тонн тэжээлийг олгож байна. Цаг уурын байгууллагаас арав хоногт нэг удаа хийдэг хээрийн цасны хэмжилтийн мэдээгээр нэгдүгээр сарын 10-ны байдлаар нийт нутгийн 77 хувьд цастай байгаа бол Засгийн газрын 286 дугаар тогтоолын дагуу цасны зузаан, нягт болон агаарын температурын олон жилийн дундажтай харьцуулсан мэдээлэлд үндэслэн зудын байдалд үнэлгээ хийхэд 9 аймгийн 36 сум цагаан зудтай, 16 аймгийн 54 сум цагаанаар зудархуу нөхцөлд байна.

Ташрамд дурдахад, Өвөлжилтийн нөхцөл байдалтай холбогдуулан Шадар сайд, Улсын онцгой комиссын дарга, Хүнс, хөдөө аж ахуйн үйлдвэрийн дэд сайд, төрийн нарийн бичгийн дарга, УОК-ын Нарийн бичгийн дарга зэрэг албан тушаалтнуудаар ахлуулсан ажлын хэсгүүд орон нутагт ажиллаж байгаа билээ