Улаанбаатар хотын Сүхбаатарын талбайд цэргийн ёслолын жагсаалын бэлтгэл эхэллээ

Улаанбаатар хотын Сүхбаатарын талбайд цэргийн ёслолын жагсаалын бэлтгэл эхэллээ

Долдугаар сарын 2-ны шөнө нийслэлийн төв талбай болох Сүхбаатарын талбайд Монгол Улсын Төрийн далбааны өдрийг тохиолдуулан зохион байгуулах цэргийн ёслолын жагсаалын бэлтгэл ажил эхэллээ.

Энэ жил Монголын түүхэн хэд хэдэн ойн баяр давхцаж буйгаараа онцлог юм. Тухайлбал, анхны төрт улсын үүсгэн байгуулагдсаны 2235 жил, Их Монгол Улс байгуулагдсаны 820 жил, Үндэсний эрх чөлөө, тусгаар тогтнолоо сэргээн мандуулсны 115 жил, Ардын хувьсгалын 105 жилийн ой тохиож байна. Үүнтэй холбогдуулан цэргийн ёслолын жагсаалд цэргийн техник хэрэгсэл, морьт ангиуд болон байлдааны нисэх онгоцууд оролцох юм.

Ёслолын ажиллагаа энэ сарын 10-ны өдөр зохион байгуулагдах бөгөөд төрийн цэргийн болон хууль сахиулах байгууллагын 8000 гаруй алба хаагч оролцоно. Жагсаалыг Зэвсэгт хүчний Жанжин штабын даргын нэгдүгээр орлогч, Улаанбаатар цэргийн хүрээний командлагч, хошууч генерал Жаргалсайханы Өсөхбаяр удирдан явуулах юм.

Эх сурвалж: “Хуурай замын ЦЭРЭГ”