Улаан-Үд хотод Монголын Эрдэнэт хотоос бэлэглэсэн ханын зураг бүтээлээ
Буриадын Улаан-Үд хотын Калашниковын гудамжинд бүтээж буй ханын зургийн ажил дуусаж, нээлтээ хийлээ. Буриадын тэргүүн Алексей Цыденов, Улаан-Үд хотын захирагч Игорь Шутенков нар шинээр бүтээсэн ханын зургийг үзэж сонирхсон байна.
Ханын зургийн орчимд иргэд амарч суух зориулалттай сандал байршуулж, гэрэлтүүлэг суурилуулжээ. Мөн замын эсрэг талд зураг авах, селфи хийх зориулалтын тусгай хэсгийг тохижуулсан байна.
Игорь Шутенковын хэлснээр, уг бүтээл нь өдөр, шөнийн аль ч үед тод харагдахуйц жинхэнэ урлагийн бүтээл болжээ.
Энэхүү ханын зураг нь Улаан-Үд хот болон Монгол Улсын Эрдэнэт хотын ах дүү хотуудын харилцаа, найрамдалт хамтын ажиллагааны бэлгэ тэмдэг болсон байна. Бүтээлийн эх загварыг Эрдэнэт хотоос илгээсэн бөгөөд Улаан-Үдийн уран бүтээлчид уг загварыг барилгын хананд буулгажээ.
Эх сурвалж: Игорь Шутенков
Photo gallery
1/1
—
