Алексей Цыденов: Буддын шашинт залуучуудын холбоо бүх Оросын болон олон улсын хэмжээнд үйл ажиллагаа явуулна

Алексей Цыденов: Буддын шашинт залуучуудын холбоо бүх Оросын болон олон улсын хэмжээнд үйл ажиллагаа явуулна

Буриадын тэргүүн Алексей Цыденов IV Олон улсын буддын шашны форумын хүрээнд хэвлэлийнхэнд мэдээлэл өгөх үеэрээ Оросын буддын шашинт залуучуудын холбоо байгуулах саналын талаар ярив. Тэрээр тус санаачилгын эхлэл Буриад улсаас тавигдах боловч зөвхөн нэг бүс нутгийн хүрээнд үйл ажиллагаа явуулахгүй гэдгийг онцолжээ.

«Энэ бол Оросын холбоо байна. Цаашлаад олон улсын холбоо болно гэж бид үзэж байгаа. Энэ нь манай хөрш орнуудтай болон өнөөдрийн форумд оролцож буй хүмүүстэй хамтран ажиллах боломж юм» хэмээн Цыденов мэдэгдэв.

Тэрээр оюун санаа, ёс суртахууны үнэт зүйлсийг төлөвшүүлэх үйл явц хүний амьдралын туршид үргэлжлэх ёстойг онцлоод, хүн өөрийн үзэл бодол, ертөнцийг үзэх үзлээ хэдий чинээ эрт төлөвшүүлнэ, амьдралын замаа төдий чинээ зөв сонгоно гэдгийг тэмдэглэв.