ЦЭРГИЙН ЧУУЛГА ЧӨЛӨӨЛӨХ ДАЙНЫ ЯЛАЛТЫН 80 ЖИЛИЙН ОЙН АЖЛУУДАА ДҮГНЭЛЭЭ
Чөлөөлөх дайны ялалтын 80 жилийн ойг тохиолдуулан Цэргийн дуу бүжгийн Эрдмийн чуулга Засгийн газрын болон Батлан хамгаалахын сайдын шийдвэрийн дагуу 2025 оныг “Дайнд оролцсон дайчин чуулга” уриан дор соёл, урлаг, соён гэгээрүүлэх олон талт арга хэмжээг амжилттай зохион байгууллаа.
Ойн хүрээнд “Ялалт дархалсан намар” талархлын тоглолт, өвөл цагийн нээлтийн цуврал тоглолтуудыг нийслэл, орон нутаг, цэргийн анги салбарт толилуулж, нийт хэдэн мянган үзэгчдэд эх оронч үзэл, үндэсний бахархлыг түгээн дэлгэрүүлэв. Мөн Сүхбаатарын талбайд ОХУ-ын Агаар сансрын хүчний дуу бүжгийн чуулгатай хамтарсан хүндэтгэлийн тоглолтыг зохион байгуулсан байна.
Түүнчлэн “Спасская башня” олон улсын цэргийн хөгжмийн наадамд Монгол Улсыг төлөөлөн оролцож, гадаад улсад нийт 22 удаагийн тоглолт хийж, Монголын цэргийн соёл урлагийг олон улсад сурталчлав.
Энэ хугацаанд чуулгын уран бүтээлчид улсын болон олон улсын уралдаан тэмцээнээс 13 шагнал хүртэж, үзвэрийн танхимуудын засвар шинэчлэлийг бүрэн хийж, техник хэрэгслийг сайжруулан ашиглалтад орууллаа.
Photo gallery
1/2
—
