Цэргийн алба хаагч ЭЕШ өгч, МУИС-д элсжээ
Зэвсэгт хүчний 339 дүгээр ангид хугацаат цэргийн алба хааж буй байлдагч Б.Тулганям цэргийн амьдралын хатуу дэг журмын дундуур өөрийн зорилгодоо тууштай тэмүүлж, Элсэлтийн ерөнхий шалгалтаа амжилттай өгч, МУИС-ийн Компьютерын ангид элсэн оржээ.
Б.Тулганямын энэ амжилт нь зөвхөн хувь хүний хичээл зүтгэл бус, Батлан хамгаалах яамнаас хэрэгжүүлж буй бодлогын үр дүн юм. Тодруулбал, сайд асан С.Бямбацогт хугацаат цэргүүдийг англи хэл, монгол бичиг, компьютер, жолооны сургалтад хамруулах ажлыг эхлүүлсэн бөгөөд Б.Тулганям энэ боломжийг ашиглан ЭЕШ-д бэлтгэж, мөрөөдлийнхөө чиглэлд алхам хийжээ.
Цэргийн алба хаах хугацаа бол зөвхөн үүрэг биелүүлж, сахилга батыг суралцах хугацаа биш. Хэрвээ хүсэл зорилго, тэмүүлэл байвал энэ цаг хугацааг өөрийн ирээдүйд хөрөнгө оруулах боломж болгон хувиргаж болохыг байлдагч Б.Тулганямын түүх тодхон харуулж байна.
1 RUB = 43.5 MNT