Х.Баасанжаргал: Төсвийн мөнгөөр хувийн сургуулийг дэмжих нь төрийн бодлогыг сулруулна

Х.Баасанжаргал: Төсвийн мөнгөөр хувийн сургуулийг дэмжих нь төрийн бодлогыг сулруулна

УИХ-ын чуулганы нэгдсэн хуралдаанаар төсвийн тодотгол хэлэлцэж буй энэ үед, төсвийн хөрөнгө оруулалтаар хувийн сургуулийн байрыг барих асуудал маргаан дагуулав.

УИХ-ын гишүүн Б.Мөнхбат
"Хувийн ЕБС-иудын хувьсах зардал бага хувийг эзэлдэг тул төрөөс дэмжих нь зүйтэй. Төрийн, хувийн гэж ялгалгүйгээр дэмжих бодлого хэрэгтэй" гэж байр сууриа илэрхийлсэн.

Харин УИХ-ын гишүүн Х.Баасанжаргал үүнд:
“Хувийн сургуулиуд төрийн ачааллыг хөнгөлж буй нь үнэн ч, төсвийн хөрөнгөөр байшин барихыг дэмжих боломжгүй. Улсын сургууль, цэцэрлэг санхүүгийн дутагдалтай байхад татварын мөнгөөр хувийн сургуулийг дэмжих нь улсын боловсролын тогтолцоог сулруулах аюултай” хэмээн шүүмжиллээ.

Мөн гишүүн Н.Номинчимэг:
“Төсвийн хөрөнгөөр хувийн сургуулийн байр барих ёсгүй. Боловсролыг тэгш хүртээмжтэй болгох нь төрийн бодлого байх ёстой” гэж мэдэгдсэн юм.