Төмөр замаар нүүрс тээвэрлэх урт хугацааны гэрээний анхны тээвэр хөдөллөө
Гашуунсухайт-Ганцмод боомтын хил дамнасан төмөр зам төслийн хүрээнд “Чайна Энержи” группийн худалдан авсан нүүрсийг төмөр замаар тээвэрлэх “түүхэн” гэрээг “Монголын төмөр зам” ТӨХК байгуулсан. Улмаар ачаа тээврийн үйл ажиллагааг албан ёсоор эхлүүлж “Тавантолгой” өртөөнөөс эхний чингэлэг нүүрсийг тээвэрлэлээ. Үүгээр манай улсын зам тээврийн салбарт, тэр дундаа төмөр замын салбарт шинэ түүх бичигдэж байна. Мөн Тавантолгой-Гашуунсухайт чиглэлийн төмөр зам байнгын ачаа тээвэртэй байх нөхцөл бүрдэж байна. “Монголын төмөр зам” ТӨХК энэхүү “Нүүрс тээвэрлэлтийн урт хугацааны гэрээ”-гээр 16 жилийн хугацаанд 247 сая тонн ачаа тээвэрлэж, манай улсын эдийн засагт бодитой хувь нэмэр оруулах юм
Photo gallery
1/7
—
