ТӨГСГӨЛИЙН ШАТНЫ ХАМТАРСАН ДАДЛАГЫГ АМЖИЛТТАЙ ЯВУУЛЛАА
Монгол Улс, ОХУ-ын Зэвсэгт хүчний хамтарсан “Сэлэнгэ-2025” байлдааны буудлагатай хээрийн сургуулийн төгсгөлийн шатны хамтарсан дадлагыг 08 дугаар сарын 26-ны өдөр амжилттай явууллаа. ОХУ-ын Буриадын Бурдуны сургалтын төвд хээрийн сургууль эхэлснээс хойш жижиг бүлгийн тактикийн 14 хичээлийн цэгт сургалт бэлтгэлд хамрагдаж, хамтарсан дадлагыг тодорхой үе шаттайгаар амжилттай явуулсан бол энэ удаа өмнөх хичээл, сургалт, дадлагуудаа бататгалаа.
“Сэлэнгэ-2025” хамтарсан хээрийн сургуулийн байлдааны буудлага болон хаалтын ажиллагаа удахгүй зохион байгуулагдана. Энэ жилийн “Сэлэнгэ” сургууль нь сургалтад түшиглэн явагдаж буйгаараа онцлог бөгөөд Зэвсэгт хүчний Хуурай замын цэргийн бүрэлдэхүүнээс гадна Зэвсэгт хүчний Агаарын цэрэг, Тусгай хүчний цэргийн алба хаагчид өргөн бүрэлдэхүүнтэй оролцож байна.
Photo gallery
1/7
—
