Владимир Путин Буриад улсад ажлын айлчлал хийлээ
ОХУ-ын Ерөнхийлөгч Владимир Путин наймдугаар сарын 10-нд Буриадын нийслэл Улаан-Үд хотод ажлын айлчлал хийж, бүс нутгийн хөгжлийн тэргүүлэх чиглэлүүдийн талаар хэлэлцлээ.
Айлчлалын үеэр Улаан-Үд, Северобайкальск хотын хөгжлийн ерөнхий төлөвлөгөө, хот байгуулалт, соёлын өвийг хамгаалах асуудлыг урбанистуудтай хийсэн уулзалтаар хэлэлцэв. Мөн Улаан-Үд хотод болсон ОХУ-ын Төрийн зөвлөлийн хуралдаанаар нийтийн тээврийн парк шинэчлэлийн явцыг авч үзсэн бөгөөд Буриад улс автобус, трамвайн паркийг шинэчлэх хурдаараа тэргүүлэгч бүсүүдийн нэгээр нэрлэгдсэн байна.
Түүнчлэн Ерөнхийлөгч Владимир Путин ОХУ-ын Баатар Дашибал Мунхожаргаловтай уулзаж, цэргийн хотхонуудын тохижилттой холбоотой түүний санаачилгыг дэмжжээ.
Эх сурвалж: Тивиком NEWS
Photo gallery
1/3
—
