Орос-Хятадын хоршил — эдийн засгийн шинэ бодит байдлын хөдөлгөгч хүч

Орос-Хятадын хоршил — эдийн засгийн шинэ бодит байдлын хөдөлгөгч хүч

“Роснефть” компанийн тэргүүн Игорь Сечин Орос-Хятадын стратегийн түншлэл дэлхийн эдийн засгийн шинэ нөхцөлд чухал үүрэг гүйцэтгэж байгааг онцолжээ.

🔸Түүний үзэж буйгаар, эрчим хүч, санхүү, технологийн салбар дахь хамтын ажиллагаа нь хоёр орны эдийн засгийн тогтвортой байдлыг хангах гол хүчин зүйл болж байна. Оросын байгалийн нөөц, Хятадын үйлдвэрлэл, технологийн чадавхыг хослуулснаар эрчим хүчний аюулгүй байдал болон үйлдвэрлэлийн тогтвортой хөгжлийг дэмжиж байгаа аж.

🔸Мөн хоёр улс үндэсний валютаар хийх худалдаа, төлбөр тооцоог нэмэгдүүлж, ам.долларын хамаарлыг бууруулж буйг Сечин онцолсон байна.

🔸Эрчим хүчний салбарт Орос улс Хятадын газрын тос, нүүрсний томоохон нийлүүлэгч хэвээр байгаа бол цөмийн эрчим хүчний чиглэлд хоёр орны хамтын ажиллагаа өргөжиж байна. Үүний зэрэгцээ Хятад улс аж үйлдвэр, хиймэл оюун ухаан, роботжуулалт, автоматжуулалт зэрэг эрчим хүч ихээр шаарддаг салбаруудаа эрчимтэй хөгжүүлж байна.

🔸Сечиний дүгнэснээр, Орос-Хятадын түншлэл нь зөвхөн хоёр орны эдийн засгийн харилцаагаар хязгаарлагдахгүй, дэлхийн олон туйлт тогтолцооны шинэ боломжийг бүрдүүлж буй хүчин зүйл болж байна.

Посольство России в Монголии