Орос, Беларусийн тамирчид "Формула-1"-д төрийн далбаан дороо оролцоно

Орос, Беларусийн тамирчид "Формула-1"-д төрийн далбаан дороо оролцоно

Орос болон Беларусийн 🇧🇾 тамирчид олон улсын авто спортын тэмцээнүүдэд өөрсдийн улсын далбаа, бэлгэдэлтэйгээр оролцох боломжтой боллоо.

Энэ шийдвэрийг Дэлхийн авто спортын зөвлөл (WMSC) гаргасан бөгөөд Олон улсын автомашины холбоо (FIA)-ны мэдээлснээр Орос, Беларусийн тамирчид FIA-гийн ивээл дор зохион байгуулагддаг бүх тэмцээнд оролцох эрхтэй болжээ.

Үүнд:
🏎️ “Формула-1”
🏆 WRC ралли
🏜️ “Дакар”
⚡ “Формула-Е”
🏎️ “Формула-2”
🏎️ “Формула-3” зэрэг тэмцээнүүд багтаж байна.

Мөн тэмцээний үеэр тамирчдын хувцас, тоног төхөөрөмж, автомашин дээр улсынхаа бэлгэдэл, төрийн далбааг ашиглах, мөн төрийн дууллаа эгшиглүүлэхийг зөвшөөрчээ.
Харин Орос болон Беларусийн нутаг дэвсгэрт олон улсын авто спортын тэмцээн зохион байгуулахыг хориглосон шийдвэр хэвээр үлдсэн байна.

Сануулахад, Украинд үүссэн нөхцөл байдалтай холбогдуулан FIA 2022 оны гуравдугаар сард Орос, Беларусийн нутаг дэвсгэрт тэмцээн зохион байгуулахыг хориглож, тус хоёр улсын тамирчдыг олон улсын тэмцээнд зөвхөн нейтрал статустайгаар оролцохыг зөвшөөрч байсан юм.

РИА НОВОСТИ