ОХУ-ын Баатар Дашибал Мункожаргалов 50.6 хувийн санал авчээ

Буриадын тэргүүн сонгуулийн урьдчилсан дүнг танилцууллаа: ОХУ-ын Баатар Дашибал Мункожаргалов 50.6 хувийн санал авчээ

Буриадын тэргүүн Алексей Цыденов тус бүгд найрамдах улсын Төрийн Думын сонгуулийн урьдчилсан дүнг танилцуулжээ. Одоогоор сонгуулийн албан ёсны эцсийн дүн гараагүй байгаа аж.
Урьдчилсан мэдээллээр “Нэгдсэн Орос” намаас нэр дэвшсэн, ОХУ-ын Баатар Дашибал Мункожаргалов Буриадын нэг мандаттай тойрогт өрсөлдсөн зургаан нэр дэвшигчээс 50.6 хувийн санал авчээ.

Мөн Алексей Цыденовын мэдээлснээр “Нэгдсэн Орос” нам Буриадад 51.1 хувийн санал авсан нь 2021 оны Төрийн Думын сонгуулийн үзүүлэлтээс 8.5 хувийн пунктээр өссөн байна. Сонгогчдын ирц 2021 онд 45 хувь байсан бол энэ удаа 49.7 хувь хүрчээ.

Тэрээр сонгуулийн эцсийн дүнг одоогоор Буриадын Сонгуулийн хороо албан ёсоор баталгаажуулаагүй байгааг мөн онцолсон байна.

Эх сурвалж: Буриадын тэргүүн Алексей Цыденов