Нисдэг тэргээр эмнэлгийн яаралтай тусламж үйлчилгээг үзүүлэх олон улсын стандартыг нэвтрүүлэв
Манай улс нисдэг тэргээр эмнэлгийн яаралтай тусламж үйлчилгээг үзүүлэх олон улсын стандартыг нэвтрүүллээ. Тодруулбал, энэ төрлийн тусламж үйлчилгээг үзүүлэх сургуулилтыг Франц улсын мэргэжилтнүүдийн хамтаар онол болон дадлага хослуулан бодит байдалд хийж, туршлаа. Франц улс тус үйлчилгээг 1950- иад оноос нэвтрүүлж, олон улсын түвшинд хүргэжээ
Агаараас эрэн хайх, аврах анги өнөөдрийн байдлаар 159 удаагийн дуудлагаар ажиллаж, нийт 212 иргэний амь насыг авран хамгаалаад байна. Энэ бол Монгол-Францын хамтын ажиллагааны бодит үр дүн юм хэмээн Монгол Улсын Шадар сайд С.Амарсайхан үнэлжээ
Энэ удаагийн сургалтад Эрүүл мэндийн яам, улсын томоохон эмнэлгүүд, Зэвсэгт хүчний Агаарын цэргийн командлал, Хил хамгаалах ерөнхий газар, ОБЕГ-ын харьяа анги нэгжүүд, хувийн хэвшлийн төлөөлөл зэрэг 100 гаруй алба хаагч, мэргэжилтэн оролцжээ
Photo gallery
1/5
—
