Monpolymet Group-ийг үүсгэн байгуулагч Ц.Гарамжав Монгол Улсын Хөдөлмөрийн баатар цолоор шагнагдлаа

Monpolymet Group-ийг үүсгэн байгуулагч Ц.Гарамжав Монгол Улсын Хөдөлмөрийн баатар цолоор шагнагдлаа

Monpolymet Group-ийг үүсгэн байгуулагч Цэдэнгийн Гарамжав Монгол Улсын дээд шагнал болох Хөдөлмөрийн баатар цол, Сүхбаатарын одон-гоор шагнагдлаа.

🔸Түүнийг хүнд үйлдвэрлэлийн салбарын хөгжилд үнэтэй хувь нэмэр оруулсан, олон улсын дэвшилтэт технологийг нутагшуулсан, уул уурхайн нөхөн сэргээлтийг шинэ түвшинд хүргэсэн, мөн олон зуун тогтвортой ажлын байр бий болгосон гавьяаг нь үнэлэн ийнхүү төрийн дээд шагналаар шагнажээ.

🔸Ц.Гарамжав 1959 онд Улаанбаатар хотод төрсөн. Тэрээр Монгол Улсын Их Сургуулийн Геологийн факультетийг төгсөж, дараа нь Москвагийн Улсын Их Сургуульд инженер-геологич мэргэжлээр суралцсан.

🔸Тэрбээр 1992 онд Monpolymet Group-ийг үүсгэн байгуулсан бөгөөд өнөөдөр тус групп нь Монгол Улсын цементийн хэрэгцээний 30–45 хувийг хангадаг Moncement цементийн үйлдвэр, барилгын компаниуд болон органик хүнсний үйлдвэрлэлийг багтаасан томоохон хөрөнгө оруулалтын групп болон өргөжжээ.

🔸Мөн Monpolymet Group нь уул уурхайн салбарын байгаль орчны нөхөн сэргээлтийн чиглэлээр удаа дараа шилдэг байгууллагаар шалгарч байсан юм.

🔸2015 онд Ц.Гарамжав Forbes сэтгүүлээс гаргасан Азийн хамгийн нөлөө бүхий 50 эмэгтэй бизнес эрхлэгчийн жагсаалтад багтаж байв.

🔸Түүний ач хүү нь Монголын бурхны шашны тэргүүн, X Богд Жавзандамба хутагт юм.

🔸Шагнал гардуулсны дараа олон нийтийн сүлжээнд иргэд Ц.Гарамжавт баяр хүргэж, энэхүү эрхэм хүндэт шагнал эзнээ оллоо хэмээн онцолж, түүнийг улс орныхоо хөгжилд үнэтэй хувь нэмэр оруулсан, олон хүнд үлгэр дуурайл болсон эрхэм эмэгтэй хэмээн магтан сайшааж байна.