Английн Ливерпүүл хотод болж буй насанд хүрэгчдийн сонирхогчдын боксын дэлхийн аварга шалгаруулах тэмцээнд Монгол Улсаас оролцсон таван тамирчин медалийн төлөө тулах эрхээ авлаа.
66 орны 540 тамирчин өрсөлдөж буй уг тэмцээний медалийн төлөөх тулаанууд өнөөдрөөс эхэлж байна. Манай улсаас 10 тамирчин оролцсон бөгөөд тэднээс тав нь дараагийн шатанд шалгарч, хүрэл медалийн төлөө хүч үзэхээр боллоо.
Тодруулбал,
Эмэгтэйчүүдийн 48 кг-д Л.Алтанцэцэг Японы Хиккарү Шинохаратай,
51 кг-д Б.Мөнгөнсаран Узбекистаны Феру Казаковатай,
Эрэгтэйчүүдийн 50 кг-д А.Баттулга Филиппиний Барикуатро Жей Брайнтай,
55 кг-д Х.Билгүүнсайхан Испанийн Серрона Рафаэльтай,
70 кг-д О.Бямба-Эрдэнэ Английн Камара Оделтэй тус тус өрсөлдөнө.
Тулааны хуваарийн хувьд Х.Билгүүнсайхан, О.Бямба-Эрдэнэ нар өнөөдөр рингэнд гарч, бусад гурван тамирчны тулаан маргааш болох юм.
Монголын багийн тамирчдад амжилт хүсье!
1 RUB = 42.9 MNT
