«Монголчууд ба Монгол орон»: Фёдор Торковын үзэсгэлэн Улаанбаатарт нээлтээ хийлээ

«Монголчууд ба Монгол орон»: Фёдор Торковын үзэсгэлэн Улаанбаатарт нээлтээ хийлээ

Занабазарын нэрэмжит Дүрслэх урлагийн музейд ОХУ-ын гавьяат зураач Фёдор Торковын үзэсгэлэн нээлтээ хийлээ. Үзэсгэлэнг Монгол, Оросын хооронд дипломат харилцаа тогтоосны 105 жилийн ойд зориулан зохион байгуулжээ.

Зураач Фёдор Торков 2005 онд өөрийн 68 бүтээлийг тус музейд хандивласан байна. Энэ удаагийн үзэсгэлэн нь түүний Монголд гаргаж буй найм дахь үзэсгэлэн юм.

Үзэсгэлэнд 1970-аад оноос 2000-аад оныг хүртэлх хугацаанд бүтээсэн Монголын эгэл жирийн хүмүүсийн хөрөг, Говь болон Горхи-Тэрэлжийн байгалийн зураг, нүүдэлчин ахуйн амьдралыг харуулсан бүтээлүүдийг дэлгэн үзүүлжээ.

Фёдор Торков Монгол орныг хоёр дахь эх орон хэмээн үздэг байсан бөгөөд түүний уран бүтээлийн гол сэдэв нь «Монголчууд ба Монгол орон» байв.

Үзэсгэлэн есдүгээр сарын 16-ныг хүртэл үргэлжилнэ.