Монгол, Оросын төмөр замын байгууллагууд хамтын ажиллагаагаа бэхжүүллээ

Монгол, Оросын төмөр замын байгууллагууд хамтын ажиллагаагаа бэхжүүллээ

Санкт-Петербург хотноо болсон “Олон улсын тээвэр, логистикийн анхдугаар форум”-ын үеэр Монгол Улсын Төмөр замын газар, ОХУ-ын Росжелдор агентлагтай хамтын ажиллагааны санамж бичиг байгууллаа.

Санамж бичигт Төмөр замын газрын дарга Б.Артур, Росжелдорын дарга Александр Геннадьевич Сахаров нар гарын үсэг зурсан байна.

Хоёр тал цаашид:
- ачаа тээврийн хэмжээг нэмэгдүүлэх
- төмөр замын дэд бүтцийг хөгжүүлэх
- хил дамнасан болон транзит тээврийг хөнгөвчлөх

“Орос–Монгол–Хятадын эдийн засгийн коридор”-ыг дэмжих
аюулгүй байдал, технологи, туршлагын солилцоог өргөжүүлэх чиглэлээр хамтран ажиллахаар тохиролцжээ.

Санамж бичиг 3 жилийн хугацаатай бөгөөд хамтарсан ажлын хэсэг байгуулж, мэргэжилтэн бэлтгэх, сургалт, туршлага солилцоог тогтмол зохион байгуулахаар тусгасан байна.

Энэхүү гэрээ нь хоёр улсын төмөр замын салбарын хамтын ажиллагааг шинэ шатанд гаргах ач холбогдолтой гэж талууд онцоллоо.