Манай улсын төдийгүй хүн төрөлхтний түүхэн дэх хамгийн эмгэнэлт өдөр

Манай улсын төдийгүй хүн төрөлхтний түүхэн дэх хамгийн эмгэнэлт өдөр

Чухамхүү энэ өдөр, яг 85 жилийн өмнө Зөвлөлтийн ард түмний хувьд  Аугаа эх орны  дайн эхэлсэн. 
Нацист Герман болон түүний Европын дагуул орнууд цэргийн машиныхаа бүх хүчээр  Зөвлөлт Холбоот Улсад дайн зарлалгүйгээр итгэл эвдэн  довтолсон юм.  Чухамхүү энэ өдөр манай эх орон фашистын түрэмгийлэгчдэд шийдвэртэй няцаалт өгсөн билээ.

Дайн 1418 өдөр, шөнө үргэлжилсэн. Энэхүү дайн манай 27 сая иргэний амь насыг авч одож, айл гэр бүрт аймшигт гарз хохирол, арилшгүй шарх үлдээсэн. 

Өнөөдрийг хүртэл зургаадугаар сарын 22-ны энэ өдөр манай сая сая иргэдийн гашуудал, эмгэнэл, шаналал, элэг эмтрэм сэтгэлийн зовлонг сануулсаар байдаг.   Манай улсад төдийгүй хуучин ЗХУ-ын бүрэлдэхүүнд байсан улс орнуудад тэрхүү аймшигт дайнд өртөөгүй нэг ч гэр бүл үгүй. 

Дайсан этгээд Зөвлөлт Холбоот Улс руу ганцхан зорилготойгоор халдсан бөгөөд тэр нь манай улсын бүх хүн амыг үндэс угсаа, арьс өнгө, шашин шүтлэгээс үл хамааран   сүйтгэх, хайр найргүйгээр устгах, хөнөөх, хүйс тэмтрэх явдал байв.

Гитлерчүүд ЗСБНХУ-ын газар нутгийг эзлэн түрэмгийлэхдээ эмэгтэйчүүд, хүүхдүүдийн хамт нийт 13.7 сая Зөвлөлтийн энгийн ард иргэдийг зорилготойгоор устгасан байна. Энэ бол Германы колоничлогчдод зориулан Дорнодод “амьдрах орон зай”-г чөлөөлөх Lebensraum хэмээх бодлогын хүрээнд хэрэгжүүлсэн жинхэнэ үй олноор нь устгах геноцид ажиллагаа байлаа. 
Нацистууд болон тэдний гар хөл бологсдын үйлдсэн гэмт хэрэгт хөөн хэлэлцэх хугацаа гэж үгүй. 

Эх орны дайны жилүүдэд Зөвлөлтийн ард түмнийг үй олноор нь устгасан геноцидын талаар дэлгэрэнгүйг: https://tinyurl.com/24ekwh7v

Эх сурвалж: Посольство России в Монголии