ХАЙГУУЛЧИД 12 НЭР ТӨРЛИЙН 3073 СУМ, ГАЛТ ХЭРЭГСЛИЙГ ОЛЖЭЭ
Монгол Улс, Оросын Холбооны Улсын цэргийн археологийн хамтарсан тав дахь удаагийн экспедицийн хайгуулын баг Дорнод аймгийн Халхгол сумын нутагт эрэл хайгуул, малтлагын ажлыг амжилттай үргэлжлүүлж байна.
Тус хамтарсан баг нь Халхын голын байлдааны талбарт нарийвчилсан судалгаа хийх явцдаа амь үрэгдсэн 78 дайчны шарилын үлдэцийг илрүүлж, тухайн үеийн байлдааны ажиллагаанд ашиглагдаж байсан 12 нэр төрлийн 3073 гаруй сум, галт хэрэгсэл болон мина, тэсрэх зүйлсийг олж тогтоосон байна.
Монгол, Оросын хамтарсан цэргийн археологийн энэхүү экспедици нь дайнд амь үрэгдсэн баатруудын дурсгалыг хүндэтгэн мөнхжүүлэх, тэдний шарилыг эргэн нутаглуулах, мөн бүс нутгийн аюулгүй байдлыг хангах, цэргийн түүхийн судалгааг шинэ баримтаар баяжуулахад чухал ач холбогдолтой юм.
Эх сурвалж: Хуурай замын ЦЭРЭГ
Video
