«Халхын гол. Тэр тусмаа бидний алдар суу» 2026 эрлийн экспедицийн дүнг танилцууллаа
ОХУ-ын Улаанбаатар дахь Русский домд олон улсын эрлийн экспедицийн ажлын үр дүнг танилцуулах бага хурал боллоо.
Экспедицийн ажлын удирдагч Александр Орловын мэдээлснээр, энэ онд Улаан армийн 87 цэрэг, командлагчийн шарилыг илрүүлжээ. Тэдгээрээс найман цэргийн шарилыг ойрын хугацаанд Пермийн хязгаар руу илгээж, эх нутагт нь оршуулахаар төлөвлөж байна.
Эрлийн үеэр Зөвлөлтийн гурван байлдааны машины сүйрсэн газрыг илрүүлсэн нь онцгой олдворын нэг болжээ. Тодруулбал, Б-10 хуягт машин, Т-26 болон БТ танкуудын үлдэгдлийг олсон байна. Тэдгээрээс зэвсэглэлтэйгээ бүрэн бүтэн хадгалагдсан Б-10 хуягт машины цамхаг онцгой үнэ цэнтэй олдвор болжээ.
Эрлийн багийнхан артефакт, эд өлгийн зүйлсээс илүүтэй дайчдын хувь заяаг тодруулах, амь үрэгдэгсдийн хэн болохыг тогтоож, олон арван жилийн дараа нэрийг нь сэргээхийг гол зорилгоо хэмээн онцолсон байна.
Эх сурвалж: Улаанбаатар дахь Русский дом
Photo gallery
1/5
—
