ХАЛХ ГОЛЫН ХАЙГУУЛЫН БАГИЙНХАН АНХ УДАА БУЙР НУУРТ ШУМБАЛТ ХИЙЛЭЭ
Өнөөдөр Монголын уудам тал нутагт үнэхээр ховор, онцгой үйл явдал өрнөв. Халх голд эрэн хайх ажиллагаа явуулж буй хайгуулын багийнхны ажлын хүрээнд Буйр нуурт анх удаа усан доорх судалгаа, эрэн хайх ажиллагааг шумбагчид гүйцэтгэж байна.
Нуурын ёроолд 1939 оны байлдааны үеийн нисэхийн хэд хэдэн нэгж техник байх магадлалтай гэсэн мэдээлэл байдаг юм.
Монгол Улсын Хил хамгаалах ерөнхий газрын алба хаагчид, Монгол Улсын Онцгой байдлын ерөнхий газрын аврагчид, мөн ОХУ-ын Ленинград мужийн Онцгой байдлын албаны аврагч, мэргэжилтнүүд, усны гүнд шумбагчид хамтран усан бүсэд нарийвчилсан судалгаа хийж, тэртээх он жилүүдийн түүхэн дурсамжийг хадгалж үлдэхэд хувь нэмэр оруулах түүхэн баримт, олдворуудыг эрэн хайх хариуцлагатай ажлыг гүйцэтгэж байна.
Video
