Гашуунсухайт-Ганцмод боомтын төмөр замын барилгын ажил албан ёсоор эхэллээ

Гашуунсухайт-Ганцмод боомтын төмөр замын барилгын ажил албан ёсоор эхэллээ

“Тавантолгой төмөр зам” компани, Хятадын “Төмөр замын барилгын гүүрийн инженерийн товчоо групп” хамтран төмөр замын хил холболтын төслийн гүүрийн анхны тулгуур цооногийн өрөмдлөгийг хийснээр Гашуунсухайт-Ганцмод боомтын төмөр замын барилгын ажил албан ёсоор эхэллээ. 24 сарын хугацаанд барьж байгуулах тус төмөр зам нь 32.6 км урт, 1-р зэрэглэлийн, 1520 мм өргөн болон 1435 мм нарийн царигийн хос замтай, жилд 40 сая тонн ачаа тээвэрлэх хүчин чадал бүхий тээврийн сүлжээ байх юм. Үүнээс 19.5 км нь гол төмөр зам байх бөгөөд үлдсэн хэсэгт 8-31 метрийн өндөр дан болон хос гүүрэн байгууламж, хил орчмын хяналтын цогцолбор, технологийн барилга байгууламж, дэд бүтэц багтаж байна. Төслийн санхүүжилтийг УИХ-ын тогтоолын дагуу “Эрдэнэс Тавантолгой” компани хариуцах ба төсөвт өртөг нь 902 тэрбум төгрөг байна