Хүн төрөлхтөн сансарт анх ниссэний түүхт ойн жил 2026 оны тавдугаар сарын 12-нд ОХУ-аас Монгол Улсад суугаа Элчин сайдын яамны дэргэдэх ерөнхий боловсролын дунд сургуульд сансрын анхны нисэгч Ю.А.Гагарины цээж баримлыг хүндэтгэн залсныг нээх ёслол боллоо.
Энэхүү ёслолд ОХУ-аас Монгол Улсад суугаа Онц бөгөөд Бүрэн эрхт Элчин сайд А.Н.Евсиков, БНМАУ, ЗХУ-ын баатар, Монголын анхны сансрын нисэгч Ж.Гүррагчаа нар оролцов.
Улаанбаатар дахь нэгэн орос сургуулийн сурагч, сансарт нисэх туйлын мөрөөдөлтэй Намуун охин 12 жилийн өмнө Ю.А.Гагарины охин Галинад хандан захидал бичжээ. Захидалдаа өөрийнх нь сурч буй сургуулийг дэлхийн анхны сансрын нисэгчийн нэрэмжит болгох хүсэлтэй байгаагаа илэрхийлсэн байна. Галина Гагарина охины хүсэлтийг хүлээн авч, биелүүлснээр Намууны сургуульд удалгүй Ю.А.Гагарины цээж баримлыг босгожээ. Энэ жил Элчин сайдын яамны дэмжлэгтэйгээр уг баримлыг сэргээн засварлаж, Элчин сайдын яамны дэргэдэх дунд сургуулийн үүдэнд шинэ суурин дээр дахин залжээ.
Video
