ОХУ-ын Элчин сайд А.Н.Евсиков Чингэлтэй дүүргийн удирдлагуудтай уулзав

ОХУ-ын Элчин сайд А.Н.Евсиков Чингэлтэй дүүргийн удирдлагуудтай уулзав

ОХУ-ын Элчин сайд А.Н.Евсиков: "2026 оны 2-р сарын 25-нд Улаанбаатар хотын Чингэлтэй дүүргийн Иргэдийн Төлөөлөгчдийн Хурлын дарга Т.Уламбаяр, Засаг дарга Н.Мандуул тэргүүтэй тус дүүргийн төлөөлөгчидтэй уулзлаа.

Уулзалтаар дүүргийн сургуулиудад орос хэлний сургалтыг өргөжүүлэхэд хамтран ажиллах талаар ярилцсан юм. Ялангуяа Зөвлөлтийн гарамгай жанжин Манжуурын довтолгоо (Монголд Чөлөөлөх дайн)-ны баатар И.А.Плиевийн нэрэмжит ерөнхий боловсролын 49 дүгээр сургуулийн орос хэлний сургалтын талаар онцлон санал солилцлоо. Түүнээс гадна хоёр тал хамтран соёл, спортын уралдаан тэмцээн зохион байгуулах, сурагч, оюутан харилцан солилцох асуудлыг ч мөн хөндсөн.

Дүүргийн төлөөлөгчид Оросын “РУСАЛ”компанийн дэмжлэгтэйгээр барьж буй спорт цогцолборын ажлын явцын талаар мэдээлэл өглөө.

Зочид Монгол Улс болон Евразийн Эдийн Засгийн Холбоо (ЕАЭХ)-ны хооронд байгуулсан Худалдааны түр хэлэлцээрт онцгой анхаарал хандуулж буйгаа илэрхийлж, уг хэлэлцээртэй хоёр талын худалдаа, эдийн засгийн харилцааг хөгжүүлэх хүчин чармайлтыг уялдуулах талаар тодорхой санал хэлж байв. Тодруулбал, Чингэлтэй дүүрэг Оросын талын хамтрагч түншүүдтэйгээ жижиг, дунд бизнес эрхлэгчдийн бүтээгдэхүүний үзэсгэлэн худалдаа зохион байгуулах боломжийг судалж байгаа бөгөөд тэд Оросын үйлдвэрлэж буй үртсэн шахмал түлшийг Улаанбаатар хотод үйлдвэрлэх боломжийн талаар өөрсдийн байр сууриа илэрхийлж байв."