БНСУ хөдөө аж ахуй, үйлдвэрт ажиллах 3000 хүний квот олгосон гэлээ
Хүний эрхийн дэд хорооны өнөөдөр 2025.06.25-ийн хуралдаанаар Гадаад улс дахь Монгол Улсын иргэний эрх, хууль ёсны ашиг сонирхлыг хамгаалах талаар авч хэрэгжүүлэх зарим арга хэмжээний тухай тогтоолын төслийг хэлэлцлээ. Гишүүд гадаадад зорчиж байгаа болон ажиллаж амьдарч байгаа иргэдийнхээ эрхийг хамгаалах тогтоолын төсөл хэлэлцэж буйд талархалтай байна. Гэхдээ хоёр улсын дипломат харилцааны асуудалд анхаарал болгоомжтой хандах ёстойг зарим гишүүн онцлов. Солонгост зорчиход хил дээрээс буцаах, эмчилгээнд яаралтай явж байгаа иргэдээс виз хүсэх, төрийн үйлчилгээ авахад бэрхшээлтэй, хүний эрхийн зөрчил удаа дараа гарч байгаа талаар гишүүд асуулт асууж хариулт авлаа
Гадаад харилцааны яам эхний ээлжид эмчилгээний зорилгоор зорчиж байгаа иргэдийг визгүй зорчих хүсэлт гаргаад ажиллаж байгааг тайлбарлав. Солонгос улсын талаас манай улсад 3000 иргэн ажиллуулах квот олгосон. Хөдөө аж ахуй, үйлдвэрүүдэд ажиллах зориулалтаар квот олгож байгааг хэллээ
1 RUB = 42.9 MNT
