“Монгол бий биелгээг өвлүүлэн уламжлуулах, оршин тогтнох чадварыг бэхжүүлэх асуудал” сэдвээр олон улсын эрдэм шинжилгээний хурал 2025.06.30-нд болж, уламжлалт бий биелгээний үнэ цэнэ, өвлөн уламжлах арга замын талаар илтгэл хэлэлцлээ.
2009 онд ЮНЕСКО-гийн яаралтай хамгаалах шаардлагатай соёлын биет бус өв-ийн жагсаалтад бүртгэгдсэн “Монгол бий биелгээ”-г тухайн үед 20 хүрэхгүй хүн өвлөсөн байсан бол
2024 оны байдлаар энэ тоо 417 болж, 15 жилийн дотор 20 дахин өссөн байна. Хурлыг Увс, Ховд аймгийн өвлөн уламжлагчид болон шавь нар, тэр дундаа 84 настай Ж.Хумбаа, 82 настай Т.Цэмбэл нарын ахмад бүжигчид оролцон чимлээ.
Хуралд:
• Бий биелгээний хэв маяг, хувцас, ихлийн хөг аялгуу
• Угсаатны бүжгийн ялгаа, өвлүүлэх хэлбэр
• ЮНЕСКО-д бүртгүүлэх туршлага зэрэг сэдвүүдээр 15 илтгэл хэлэлцэгдэв.
Тус хурал нь Бий биелгээг хойч үедээ залгамжлуулах, соёлын дархлааг бэхжүүлэх чухал алхам боллоо.
