“Аялал жуулчлалын салбарын 7 хоног”-ийн нээлт боллоо
Эдийн засаг, хөгжлийн яамны дэргэдэх Хөрөнгө оруулагчдын эрх ашгийг хамгаалах төв “Аялал жуулчлалын салбарын 7 хоног” арга хэмжээг нээв. Арга хэмжээ нь хөрөнгө оруулалтын орчныг сайжруулах, төр-хувийн хэвшлийн хамтын ажиллагааг бэхжүүлэх, бизнес эрхлэгчдийн эрх ашгийг хамгаалах зорилготой юм. Нээлтэд Төрийн нарийн бичгийн дарга И.Батхүү оролцож, өнгөрсөн онд аялал жуулчлалын салбар 650 сая ам.долларын орлого олсон, цаашид 1.6 тэрбум ам.долларт хүргэх зорилт тавьсныг онцлов. Тэрбээр салбарын тогтвортой байдал, хөрөнгө оруулалтыг хадгалах нь чухал гэж тэмдэглэлээ.
Арга хэмжээний хүрээнд:
• Салбарын өнөөгийн байдал, тулгамдсан асуудлын танилцуулга
• “Харвард менежментор” хөтөлбөрийн хэлэлцүүлэг
• Хөрөнгө оруулагчдад зөвлөгөө, төлөвлөгөө, тайлангийн сургалт
• Хөнгөлөлттэй зээлийн хөтөлбөр (ХААН, Голомт банкны оролцоо)
• Өвлийн аялал жуулчлалыг дэмжих арга хэмжээ, каллиграфи үйлчилгээ.
Энэ арга хэмжээ нь төр-хувийн хэвшлийн бодит хамтын ажиллагааг өргөжүүлэх, салбарын хөгжлийг дэмжихэд чиглэж байна.
Photo gallery
1/1
—
