“Аугаа эх орны дайнд ялсны 80” жил сэдэвт марк худалдаанд гарлаа

“Аугаа эх орны дайнд ялсны 80” жил сэдэвт марк худалдаанд гарлаа

Монгол шуудан компани Аугаа эх орны дайны Ялалтын 80 жилийн ойд зориулан шуудангийн шинэ марк худалдаанд гаргалаа. Мөн тус маркийг дагалдуулан анхны өдрийн дугтуйн худалдааг Маркийн газар, Төв шуудан болон шуудан үйлчилгээний 21, 36, 38, 46, 51 дүгээр салбарт нэгэн зэрэг зохион байгууллаа

Уг маркт цэлмэг тэнгэрийг бэлгэдсэн цэнхэр дэвсгэр дээр төв хэсэгт нь Е.В.Вучетичийн бүтээл “Сталинградын тулалдааны баатруудад” зориулсан алдарт “Эх орон дуудаж байна” хөшөөг дүрсэлжээ. Түүнчлэн энх тайван, ялалт, цэргийн алдар хүнд, бахархлын бэлгэдэл лаврын мөчир, Георгийн туузыг дүрсэлсэн байна. Энэ хөшөө нь ард түмнийг эх орноо хамгаалах тэмцэлд уриалан дууддаг