Иран гаралтай Шведийн алдарт дуучин Араш Монголд ирнэ
Дэлхийн олон хит дуугаараа (Broken Angel, Pure Love, Boro Boro, Temptation) залуусын зүрхийг булаасан Араш Улаанбаатарт анх удаа “Сонос” хөгжмийн фестивалийн гол зочин болж ирэх сарын 2-нд Төв цэнгэлдэх хүрээлэнд тоглоно.
Азербайжан үндэстэй, Иран гаралтай энэ нэрт уран бүтээлч 14 насандаа урлагийн ертөнцөд хөл тавьж, дэлхий даяар аялан тоглолт хийсэн, олон улсын нэр хүндтэй уран бүтээлч юм. Тэрбээр англи болон фарси хэлээр дуулдаг бөгөөд 2008 оны “Евровидение” наадамд Европын шилдэг оролцогчдын нэг болж байжээ.
Монголын сонсогчдод зориулсан энэ онцгой концертод БНХАУ, ОХУ, БНСУ, Казахстан, Иран, Монголын шилдэг 25 артист оролцоно.
1 RUB = 42.9 MNT
