Э.Амина “Shine Cup-2025” тэмцээнээс мөнгөн медаль хүртлээ
БНСУ-ын Гояан хотын “Соно Арена”-д зохион байгуулагдсан уран сайхны гимнастикийн “Shine Cup-2025” олон улсын тэмцээнд Монгол Улсын тамирчин Э.Амина амжилттай оролцож, мөнгөн медаль хүртлээ.
Тэмцээнд Ази болон Европын 10 орны 260 гаруй шилдэг гимнастикчид ганцаарчилсан төрлөөр өрсөлдсөн бөгөөд энэ нь Олон улсын гимнастикийн холбоо (FIG), Олон улсын гоо зүйт гимнастикийн холбоо (IFAGG)-ны стандартад нийцсэн, өндөр зэрэглэлийн тэмцээн байв.
Монгол Улсаас “Монгол Алдар” сургуулийн 12 настай сурагч Э.Амина олстой төрлөөр амжилт үзүүлж, мөнгөн медаль хүртсэн нь түүний олон улсын анхны медаль болж байна. Тэрбээр тэмцээний үеэр Монгол Улсынхаа төрийн далбааг мандуулж, эх орныхоо нэрийг өндөрт өргөлөө.
Photo gallery
1/1
—
