“Алтаргана-2026” наадам удахгүй болно
Буриад түмний хамгийн том соёлын наадам болох “Алтаргана-2026” олон улсын Буриад үндэстний фестиваль 07-р сарын 1-5-ны өдрүүдэд ОХУ-ын Бүгд Найрамдах Буриад Улсад зохион байгуулагдана.
Наадам Улаан-Үд хот болон Иволгын дүүрэгт болох бөгөөд Монгол Улс, БНХАУ, Өвөр Байгалын хязгаар, Эрхүү мужаас ирэх нийт 5000 орчим оролцогч, зочдыг хүлээн авахаар төлөвлөжээ.
Наадмын хүрээнд:
18 төрлийн урлаг, соёлын уралдаан, 6 төрлийн үндэсний спортын тэмцээн зохион байгуулагдана.
Тэмцээн, арга хэмжээнүүд Улаан-Үдийн Төв цэнгэлдэх хүрээлэн, Биеийн тамир, спортын цогцолбор (ФСК), Дуурь бүжгийн эрдмийн театр, Буриад болон Орос драмын театрууд, Үндэсний номын сан, Буриадын их сургууль, Этнографийн музей зэрэг 11 байршилд болно.
Спортын төрлүүдэд: Бөх барилдаан, сур харваа, морин уралдаан, сээр хугалах, шатар, “Шагай наадан” зэрэг уламжлалт тэмцээнүүд багтаж байна.
“Алтаргана” хэмээх нэр нь ижил нэртэй ургамлаас гаралтай бөгөөд буриад түмний тэсвэр хатуужил, эв нэгдэл, төрөлх нутагтайгаа холбогдох холбоог бэлгэддэг ажээ.
“Алтаргана” наадам нь дэлхийн өнцөг булан бүрт амьдарч буй буриад угсаатнуудыг нэгтгэн уулзуулж, өв соёл, хэл уламжлалаа түгээн дэлгэрүүлэх чухал арга хэмжээ болдгоороо онцлог юм.
https://altargana.info/
1 RUB = 42.9 MNT
