“Ур ундрах” урлан ОХУ-аас Монгол Улсад суугаа Онц бөгөөд бүрэн эрхт Элчин сайд Алексей Евсиковт монгол дээл урлаж бэлэглэлээ

“Ур ундрах” урлан ОХУ-аас Монгол Улсад суугаа Онц бөгөөд бүрэн эрхт Элчин сайд Алексей Евсиковт монгол дээл урлаж бэлэглэлээ

Үндэсний хувцасны “Ур Ундрах” урлангаас ОХУ-аас Монгол Улсад суугаа Онц бөгөөд бүрэн эрхт Элчин сайд Алексей Евсиков болон түүний эхнэрт тусгайлан зориулж урласан монгол дээлийг бэлэглэлээ. Тэдний дээлийг гурав, дөрөв хоногийн дотор оёж дуусгасан бөгөөд түмэн насан хээтэй, дэлхийн бүх хүмүүс бие биетэйгээ салшгүй холбоотой гэдгийг илтгэсэн шүтэн барилдлага хатгамал хээтэй дээл юм. “Ур Ундрах” компанийн захирал, Монгол Улсын мастер оёдолчин А.Алтантуяа “Монголд сайн хандаж байгаа Элчин сайд нарт дээл хийж өгч баярласнаа илэрхийлж байгаарай гэсэн аавынхаа захиасыг биелүүлж, ОХУ-ын Элчин сайд Алексей Евсиковт дээл хийж өгөхөөр шийдсэн. ТМ телевизээр түүний оролцсон нэвтрүүлгийг үзээд Алексей Евсиков их таалагдаж, Оросын Элчин сайдын яамныхантай холбогдож, энэ хүсэлтээ дамжуулсан. Аавынхаа захиасыг санаж, ээж аавынхаа сүнсийг баярлуулж энэ хоёр дээлийг урлалаа” хэмээн ярьсан юм