Энэ сарын 2-ны өдөр ДЦС-3-ын ослын улмаас эвдэрсэн генераторыг солих зорилготой авах шинэ генераторыг

Энэ сарын 2-ны өдөр ДЦС-3-ын ослын улмаас эвдэрсэн генераторыг солих зорилготой авах шинэ генераторыг

ОХУ-ын зүгээс Монгол Улсад нийлүүлэхээс татгалзсан гэх ташаа мэдээлэл Монголын хэвлэл мэдээлэл, олон нийтийн сүлжээгээр идэвхтэй цацагдаж буй

Тэгвэл энэ талаар ОХУ-аас Монгол Улсад суугаа Онц бөгөөд Бүрэн Эрхт Элчин сайд Алексей Евсиков байр сууриа албан ёсоор илэрхийллээ. Тэрээр "Юуны өмнө онцгой байдлын улмаас алтан амиа алдсан монгол инженерийн ар гэр, ойр дотныхонд гүн эмгэнэл илэрхийлье. Тун харамсалтай байна.

Энэ сацуу, ОХУ-ын зүгээс Монгол Улсад эвдэрсэн генераторыг солих шинэ генераторыг өгөхөөс татгалзсан гэж байгаа нь ташаа байна. Эсрэгээр, энэхүү осол болсны маргааш нь ОХУ-ын эрчим хүчний салбарт тэргүүлэгч "Уралын турбины үйлдвэр"-ийн удирдлагуудын зүгээс ослын улмаас учирсан хохирлыг арилгахад бүхий л талын дэмжлэг үзүүлэх саналаа Монголын талд илэрхийлсэн байгаа. Тодруулбал, станц дээр Оросын талаас өмнө нь хийж гүйцэтгэсэн боловсруулалтад тулгуурлан станцыг нэн түрүү аль болох хурдан хийгээд бүрэн сэргээх арга замыг тогтоохоор ДЦС-3-д техникийн мэргэжилтнүүдээ нэн яаралтай илгээхэд бэлэн буйгаа илэрхийлсэн байгаа. Үүнээс гадна, ДЦС-3-ын эвдрэлд орсон генераторыг орлуулан солих генератор Оросын талд бэлэн байгаа бөгөөд аль болохоор хурдан Монголын талд нийлүүлж, маш богино хугацаанд ашиглалтад оруулах боломжтой гэж байгаа юм. Ингэхэд гагцхүү монгол нөхдийн зүгээс зөвшөөрөл л хэрэгтэй" гэсэн албан ёсны мэдэгдэл хийлээ