Ц.Анандбазар Хөлбөмбөгийн холбооны ерөнхийлөгч боллоо
Монголын Хөлбөмбөгийн холбооны ээлжит бус их хурал болж, холбооны ерөнхийлөгчийг сонголоо. Хоёр нэр дэвшигч шалгаран үлдсэнээс нууц санал хураалтаар Ц.Анандбазарт 26, Б.Гарьдмагнай 18 санал авч, Ц.Анандбазар Монголын Хөлбөмбөгийн холбооны ерөнхийлөгчөөр ажиллахаар боллоо
МХБХ-ны ерөнхийлөгчид таван хүн нэр дэвшээд байсан юм. Монгол Улсын шигшээ багийн ахлах дасгалжуулагчаар томилогдон ажиллаж буй Холбооны Техникийн зөвлөлийн дарга Б.Гарьдмагнай, Сөүлийн их сургуулийг спортын менежмэнтээр төгссөн С.Жаргал, “Ховд” клубийг үүсгэн байгуулагч Ө.Алтай, мөн Н.Болор-Эрдэнэ, УИХ-ын гишүүн асан Ц.Анандбазар нар нэр дэвшин өрсөлдөхөөр болсон. Сонгуулийн өмнө С.Жаргал, Ө.Алтай нар нэрээ татаж буйгаа хэлж, өөрсдөд нь өгөх байсан саналаа Б.Гарьдмагнайд өгөхийг уриалсан юм. Харин Н.Болор-Эрдэнэ мөн нэрээ татахдаа Ц.Анандбазарыг дэмжихийг уриалжээ
1 RUB = 43.3 MNT