100 саяын шагналтай мөсөн сурын дээд лиг болно
Мөсөн сурын холбооноос энэ сарын 27, 28-нд 100 сая төгрөгийн шагналын сантай “Магнай” болон дээд лигийн тэмцээнийг зохион байгуулахаар болжээ.
Тэмцээнд 10 баг тойргоор өрсөлдөж, шилдгүүдээ тодруулна. Дээд лиг зохион байгуулснаар харваачид баг хооронд түрээс, солилцооны гэрээгээр харвах, цалин урамшуулал авах боломжтой болж, өрсөлдөөн илүү чанаржих юм. Ингэснээр тамирчдад ур чадвараа ахиулах, шатлан дэвших шинэ боломж нээгдэнэ гэж зохион байгуулагчид мэдээлэв.
Мөсөн сурын харваа нь Баян-Өлгий аймгийн Булган суманд уламжлагдан ирсэн, дэлхийд ховорд тооцогдох өв соёл юм. Монголын мөсөн сурын холбоо 2008 онд байгуулагдсан бөгөөд сүүлийн жилүүдэд үндэсний болон олон улсын аварга шалгаруулах тэмцээнүүдийг зохион байгуулж байна. 2013 оноос хойш 300 гаруй аймаг, улсын цолтой харваач төрөн гарчээ.
1 RUB = 44.7 MNT
